لو تطول بينا الثوانى ... أو وقوفنا بالموانى
لو تطول بينا الليالي ... و انتظارنا للامانى
لو أعيش العمر تانى
يمكن أعرف الحقيقة ... و افهم الدنيا العجيبه
و افهم السر الالهى ... كل من ف الأرض فانى
*****
لو تطول بينا الساعات ... و انتظارنا للممات
ليه زمان الحب فات ... و القلوب تصبح آلات
تبكى ع العمر اللى فات
*****
لو نقرب م الحقيقة ... لو تكون العين أمينه
و افهم السر الالهى ... كل من ف الأرض فانى
لو تطول بينا الشهور ... جوه أو بره القبور
ياللى ساكنين القصور ... ليه بتبنوا ف البحور
ليه تخبوا ف الصدور
دنيتي نقطة عبور ... جنتي ف الأرض بور
و أفهم السر الالهى ... كل من ف الأرض فانى