رســــــــــــــالة إلى جندى
 
يا بن عمى يا للى فى الخط الأمامى
لك سلامى ،
و سلام أطفالى ، و مراتى ، و أبويا ،
و امى ، و اخوالى و عمامى ...
كلهم فى خير و مشتاقين إليك
كلهم متلهفين ترجع لنا ،
و كمان من عندنا يسلم عليك ،
كروان الفجر ، و البط اللى سابح فى القنا ،
و إبراهيم و حسين و ماتعتّش أسامى
يا ابن عمى ،
يا للى عنوانك فى خط النار بعيد ،
شِدّ حيلك ، كلنا وياك هنا ،
مدفعك جبناه حسب وصفك شديد ،
من دمانا صبّيناه صلب و حديد ، قاسى و عنيد ،
صب منه ع الأعادى كرهنا .
خد من الرجعية تارك ،
خلى كل الدنيا تسمع فرقعة رعد انتصارك ،
و الجميع يا نور عيوننا ،
فى انتصارك