المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
فاتت جنبنا
من ديوان حسين السيد للشاعر حسين السيد

فاتت جنبنا

                             غناء / عبد الحليم حافظ

فاتت جنبنا  انا وهو
وضحكت لنا  انا وهو
رديت وكمان رديت   وفضلت ارد لحد ما فاتت
ونسيت روحى وصحيت  اتاريها خدت الشمس وغابت
وانشغلت وقبل مايطول انشغالى 
  رحت سائل روحى واحترت ف سؤالى
انا بفكر ليه وبشغل روحى ليه
اعرف منين انها قاصدانى  انا مش هو
واعرف منين  ان الضحكه دى  مش له هو
وليه انا - مش هو
مره تانيه برضه صدفه  كنت انا وهو ف طريقنا
شفنا خطوه حلوه جايه  وضل تالت بيسابقنا
التقيت لقيتها هى حاجه مش معقول هى
وابتديت اسمع ف قلبى لحن حب جديد على
سمعت منها كام  كلمه  ما قالتش منهم ولا كلمه
بس انا حسيت ولاول مره باعيش وباحس 
 ولقيتنى بدوب فى كلام الهمس اللى مالوش حس
ضحكت تانى نفس الضحكه وراحت ماشيه
زى الدنيا ماتيجى ف لحظه وتمشى ف ثانيه
بسيت لصاحبى لقيته جنبى وماهش جنبى 
 عايز يقول كلمه اتقالت ...جوه ف قلبى
كنت عاوز اسأله هو كمان   حس بها وانشغل هو كمان
ورجعت اقول  كده مش معقول
انا بفكر ليه   وبشغل روحى ليه
اعرف مين انها قاصدانى انا مش هو 
 واعرف منين ان الضحكه دى مش له هو
وليه انا - مش هو
رحت مش عارف مالى   ماعرفش ايه اللى جرالى
فرحان عايز اضحك   مهموم عايز ابكى
لادموعى طايلها  ولا لاقى حد اشكى
حبتها ايوه انا حبيتها  مش قادر انسى ضحكتها
مش يمكن فرحه عمرى والفرحه ما صدقت لقيتها
كان فين اليوم دا غايب عنى   تسلم لى وتسلم ضحكتها
كان نفسى الدنيا تشاركنى فى الفرحه اللى انا حاسس بيها
كان نفسى كل حبيب يسعد بالجنه اللى انا عايش فيها
والليالى دوبتنى وشتت فكرى وظنونى  
 لما طيف الغيره شفته بيترسم قدام عينونى
ان لقيت صاحبى بيضحك  اقول دى لازم قابلته
وان لمحت ف عنيه شكوى اقول دى لازم خاصمته
مالقيش طريق قدامى  يرحمنى من العذاب
غير انى ادور واسأل واعرف منها الجواب
وعرفت طريقها عرفته وشقيت على بال
 ما عرفته  وبعت كلمتين .. مش اكثر من سطرين
قلت لها  ريحينى وقوليلى انا فين 
  وجانى الرد جانى ولقيتها بتستنانى
وقالت لى انا من الاول  بضحك لك يا اسمرانى
انا .. انا - ايوه انا - مش هو
 

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد