دوسيهــــــــــــــــــــــــات الدواوين
 
فى دى الدوسيهات أشغالك و أشغالى
بقالها خمسين سنة فى وضعها الحالى
فيها معاش أرملة يابو عيالي
و عرضحال شاب بائس م العمل خالى
و مشكلة وقف فاتها خورشيد و الوالى
حاططها صاحبك و بيقولك و نا مالى
دا حسنى بيه المدير العام باعتها لى
و لسه عايز إمضة مستشار عالى
و لا حاتنزل على الأرشيف طوالى
آدى النظام اللى خارب كل بيت مالى
و مركب الفقر أمثالك و أمثالى