وداعيّــــــــــــــه
 
كرهت الحب و احرقت الرسايل و الصور بالنار
كرهت اللي ترك قلبي و خَلاّ مسكنه عادي
كرهت وجوه ملتمّه " صراحه " .. و القلوب أسرار
رمادٍ في رماد الله يساعدني على ناري
أريد اعيش في عزله عن العالَم مَع التذكار
وحيد إلا من اوراقِ دفنت فصدرها اشعاري
أريد ارجَع إلى الماضي طفوله .. و اعنيات صغار
بصوتي طقل لى هالحين بالحاصل ما هو داري
يجوز انه ينسينى زمانٍ كل ابوه كبار
يبعون الخوي غايب و لن جاهم من الشاري
بقلبي جرح من ذكرى .. لا و الله به جروح كثار
و به هاجس عن الهجره متى " ينفك " مشواري
و اقول اللوم ما اريده .. إلى من الموادع صار
أعَرف ان الموادع صعب لكن هذي أقداري
وداعيّه بلا لقيا لأّني مكمل المشوار
مسامح من فقدني لا يجي ينشِد عن أخباري
سلام الله على احلامي .. تحيّاتي لاهَل ذي الدار
كتبت اللي كتبت من القصيد و هذا انا ساري