طفلة على ضفاف الخليج
 
يا خليج إش فيك شارد فكر قِل وش جرى لك
و انت كنت تفرج همومٍ على العاتق تقيله
إنت عاشق ؟ قال ما ادري ؟! قلت له وش سَمّ حالك
قال بنتٍ لوّحت للشمس باطراف الجديله
قلت وصًفها و قال الله هذي هي قبالك
أجمل الأوصاف يوم اقول عنها مستحيله
التفتَ و هي تردًد للسحابه طاب فالك
و النسيم يمشَط القذله و هي ما تنحني له
شفتها تهدي الفجر وَرد و تقول الوَرد ذا .. لك
طفلةِ نامت على الشاطي و قالت يا حليله
و صرت اقول من الغلا يا دبي ( عبد الله ) حلالك
شرَقى به غرَبى به ما مَعَه في الحب حِيله
و الله ان موج الخليج اليا نسى نفسه و جا لك
ما يلومه فيك رَجَالِ عرف معنى جميله