لحظة مخاض القمر لحظة مخاض القمر تتبعتر النجمات تحدف رزاز الضي فوق الحواري البور تطرح سنابل غنا وف ضل دي الملحمة كل القلوب هايمين ونا قلبي شجرة تين ضله على قده زاره الخريف هده وأما السنين عدوا ما فاتولو غير موال فيه الليالي طوال والعين ما بتشوفشي وإزاي أنا ح امشي وأنتِ يا بحر العسل رامياني في الصحراء كل الدروب خطره الليل بيولد خوف والشوف يا دوب شبرين رايح أنا على فين سكة هلاك ف الغرب والشرق فجره حزين راجع يتيم الضي ميت ده والا حي يا بكرة يا للي جي أرسمني حدوته تطول بطول المدى وما تنتهيش أبدا م أنا أصلي م المبتدأ عاشق هواه جدا يا سكة للجنة يا عمري وسنيني أنا لسه بستنى طعمك يدفيني قربني وأبعدني طاوع وعاندني أعدل أو أظلمني راضي أنا بحكمك وكفاية من عشقك حرفين وقلب وسهم بيهم تخلدني