يا  لِيلى  يا  عيني

ليه  كُل  ما  احلم  يا  مصر ..
انتى  تمانعينى
وكُل  ما  آخدِك  فى  حُضني ..
بِتْفِرِّى  مِن  عيني
صِفْصَاف  بأوَشْوِش  خدودِك ..
لازم  تلاوعينى  ؟
آه  !!!
يا  ليلى  يا  عيني 
يا  مصر  حُبِّك  كبير
يا  مصر  حُبِّك  مَلَكْنِي
أنا  كنت  بأحزن  وأدارى  ..
لكن  سكوتِك  هَلَكْنِى

كُل  النَوَاصِي  حزينة
كُل  البيوت  ساكتة
لَفِّيت  مدينة  مدينة  ..
كُل  المُدن  بَاهتَة
فايتَة  الليالي  عَلَىَّ  ..
هربانة  يا  عيني

ليه  كل  ما  أحلم  يا  مصر  ..
انتى  تمانعينى
وكل  ما  آخدِك  في  حُضني  ..
بِتْفِرِّى  من  عيني
آه  ..  يا  ليلى  يا  عيني

عِشْقِت  سَمَاكِى  الغيم  والغُزّ  دَخَلُوكِى
دَخَلُوا  الحَرَس  ع الخيل  ..
تُرْكِي  وِمَمْلُوكِي
وأنا  قلبي  مش  للبيع  ..
أنا  قلبي  مَمْلُوكي