حلقاتك برجلاتك ( إلى أخى مواليد 24/ 1 / 90 ) رأيتَك يوم سبوعَك والدَّاية .. بِتْعَلِّمَك يا ابن امِّى .. من صُغْرَك العِصْيان إسمع كلام عَمَّك خالِف كلام خالَك والقِرْش لِيك قُربان وِتْعَلِّمَك يا صغَيَّر مع كُل دَقِّة هُون .. الخوف من العُصْيان والسجن من مَصْغَرَك .. وحدودَك الغُربال نصيحة من مسجون .. إرجَع لبطن امَّك مسجون وساجِن صَرْخِتى وَيَّاى قُضْبان وعتمة _وقول كتير جُوَّاى وسنين عَجُوزة _ ومَشْرَبِيَّة وناى وَاسْتَنَّى ضَىّ الصُبح يمكِن جاى وماليش مكان .. بس الحقيقة معاى