قللي..بتصلي؟.. أيوة باصلي
طب و السنن؟.. لأ مشغول
و القرآن؟... لأ مشغول
و الصدقات؟.... مشغول مشغول
و ازاي بتحب الله و الرسول؟
و الله باحب...دليلك؟..قول
باراعي ربنا مع أي حد
بس عبادتي يادوب ع القد
أه... آه يا خوفي و آه يا كسوفي

الفتن الفتن....
شيطاني واقفلي في كل مكان
انجدني يا رب من العصيان
شيطاني يقول... و فلانة فلان؟
فلانة فلان مين يا شيطان؟!
أه... اللي صورها في كل مكان!
أيوة فلانة دا شيء يتحب
بس الحلال أجمل م الذنب

خلاص يا عم دا شكلك خايف
طب ايه رأيك في المجد الزايف؟!
إنك تكون أحسن أديب
من غير لا أدب ولا تأديب
أو طبيب من غير ماتداوي
أو عالم و انت على القهاوي
و يومها الفلوس و السلطة و النفوذ
و الكل تحت امرك وين ماتعوز

سيبني يا شيطان يا إبن الشياطين
خلاص مش عارف أعمل ايه وياك
يا عم حيرت قلبي معاك
أيوة عرفت... أستعيذ بالله
اللي أنا باحبه و أتمنى رضاه
خلاص انا راجع دلوقت إليه
و لهدي رسوله...صلوا عليه
خلاص مش حابقى في يوم المقطف
شيطاني ضعيف و أنا مش الاضعف
و عبادتي مهما تكون على القد
فالخير في أدومها و إن قل
و أكيد في يوم عباداتي حتزيد
و التواب يغفرلي أكيد

يا رب باحبك و انا مشغول
يا رب ارزقني حبك على طول
و شربني حبك و حب الرسول
صدقني يا رب انا نفسي أقول
حبيبي باحبك... و مش مشغول