مصر بلدناو ست الكل
حلوه وقشطه وزي الفل
كل مافيها جميل ولذيذ
من حبها أنا بكره اتشل

احلي شوارع واحلي رصيف
حبه فول علي نص رغيف
يصبح مود الطاسه ظريف
طنش وابلع اسهل حل

مصر بلدنا وست الكل

مصر يا بلدي انا مش مطحون
مصر يا احلي مكان ف الكون
انا مش خايف ولا مسجون
بس انا يمكن اكون محتل
اخ انا قصدي اكون مختل


مصر بلدنا وتاج الراس
من يحميكي الا الحراس
ولاد العز ولاد الناس
واحنا نعيش كده زي الظل

مصر بلدنا يا ست الكل