بسم الله
بسم الله ومحدش غير الله ينفعنا
لما مشينا ف سكه غيره توهنا وضيعنا
لما بنشكي لغير الله بتزيد أوجاعنا
جرب تشكي لرب الناس.. مين غير رب الناس يسمعنا
جرب وانت بتسجد تبكي .. جرب يبقي لدمعك معني
.............................................................
ابكي وحس بطعم الطاعه .. واغلب جوه النفس شيطانها
ما تخليش الدنيا تغرك .. واهرب من ويلها وأحزانها
خللي كلام الله جواك .. يغلب جوه الروح حرمانها
روحك مش مخلوقه عشان .. تبعد عن دينها واحسانها
............................................................
عود نفسك ع الإحسان .. خللي ف قلبك نبض إيمان
إرجع عن ذنبك واستغفر .. ابعد عن ذل العصيان
ما تأخرش التوبه لبكره ..   عمر العمر ما كان له ضمان
وافتكر ان االدنيا زوال .. وما دايم غير الرحمن