ما كنت اظن القلب ذي لي با   يهيم
كنت احسبه قال الهوى كله   حـرام
حتى اتت في وفدها وفـد   الحريـم
واخرجت كلمه من المبسـم سـلام
ما شفت مبسم مثل مبسمها   نميـم
كنه عقيق احمـر مـدور بانتظـام
والعين كحلا والخدود رمان   وليـم
كل الورود في الخد شوفه حب   عام
والشعر كنه مثل شـلال اورشليـم
اسود ككحل العين منتوش   بانسجام
والعنق طوله شبر سبحـان العليـم
جمال قـد فـاق البنيـه   والمـدام
والطول كنه سيف ماهو حرف   ميم
والمشي فيه امواج رافـض للجـام
من قبل قلبي كـان دقاتـه   سليـم
واليوم دقاته خفوق من ذا   الغـرام
الله منه ذا الغرام بل هـو   غريـم
غرام رفرف بالقلوب مثل   الحمـام
قلنا من اين البنت قالت من   يريـم
قلنا اكيـد فالسطـر بـارز للأمـام
من يوم طلت ادخلتني فـي حويـم
من يوم شفت البنت وانا في   سطام
قالوا تطيش وانت الذي قالوا   حليم
قلنا حليم طايـش ولكـن باحتـرام
لو شفتوا الي شفت قلتوا لي   سليم
شفت المليح والزين في كلمة   سلام
لوشفتوا الي شفت قلتوا في الصميم
من شافها قال الهنـى فيهـا تمـام
سلام يا غصن القنى جـاور تريـم
سلام يامن داخـل اكبـادي سـلام
حوت جمال الكون من خالق كريـم
كل الحكي ذي قلت اسبابـه سـلام
وكيف لو قالت مسا النور يا حكيـم
اكيد بدخـل جنتـي عنـد الكـرام
ما دام ربي قال مثنـى هـو عليـم
يارب لم الشمـل بالبنـت ابتسـام
سـلام للبنـت المهيبـه كالزعيـم
سلام دايم دوم في صـورة غـرام
سلام من يـوم الـولاده والفطيـم
حبي مزجته فعل من قبـل   الكـلام
ان ما يحب تلقى حياته هي   دويـم
حتى ولـو وفـرت انـواع   الادام
هذه حقائق وانت ناظر يـا   فهيـم
الحب اجمل مـا خلـق ربـي ودام