إسمه في البطاقه ... نايم في العسل
  المهنه تحت منها   ... رئيس قسم الكسل

بينام بالنهار ... وبيصحي المغربيه
بيموت في الهزار ... ومعندوش قضيه

يا واقف ع النواصي ... يا قاعد ع القهاوي
بيكره صمت صوته ... ويموت في الحكاوي

حكاوي عمال يحكيها ... بالطول والعرض مقضيها
الوقت مش فارق عنده ... أيامه بتشبه بعضيها

الخلق ف أشغالها ... وصاحبنا لوحده باقي
تقوله يشوف له شغله ... يقولك مش هلاقي

إسمه في البطاقه ... نايم في العسل
  المهنه تحت منها ... رئيس قسم الكسل