تابوت الليل وكام مسكين بيتوجع وكام مدفون مكفن بين تباريحه وكام ملاح بيستنى وتبقي مكدبه ريحه وصرخة خوف وتبسيمة وناس نايمة وناس هايمة وناس عايمة على الذكرى وناس فاكره وناس ناكره وناس بتجد ومذاكره وناس تكره وناس بتموت ومستني ومتغني وباكي وخايف الوحده وايد مع ايد وايد واحده وشارع فاضي من همه وطفل بتحضنه امه وصمت وصوت نفَس عالى وموالى اللي انا سامعه بصوت مخنوق وديك يدن فيمشي الليل ويستنى يعود تاني مطاريحه تابوت الليل وكام مسكين بيتوجع وكام مدفون مكفن بين تباريحه مجدي طه 21-9-2008