وينك ياأرض العدل يا أمة الإنسان
أطفال غزة ... عم تصرخ وتنادي
معقول عنا مات الضمير والوجدان!
معقول القتل ب واد والأمم بوادي
أطفال غزة... بتقشعر إلها الأبدان
لحافها السما ... والتراب زوّادة
وينك يا رب الكون يا خالق الإنسان؟
شوف الألم والقهر بعيون أولادي
شو ذنب! الأطفال تدفع ثمن طمعان
شو ذنب الأم !؟ تعيش في حدادي
ناديت واصرخت وينكم يا عربان ؟
ياعروش الحكم فيها الخوَن بادي
ماشفتو طفل!؟ من القصف فزعان
ماشفتو دموعو! محروقه بزياده
ضيعان عروشكم عالأمم... ضيعان
تاريخكم بالذل والعار صار غادي
ما فيكم قلب ! أو دين! أو إيمان !
جهنم ناطرة فاتحه الأبواب بسعاده
ل متلكم لبس الخزي والذل عنوان
ورح تحملوعار انغمس بالدم قلاّده
ما أصعب طفل لصدر أمو جوعان
وما أصعب أم تفقد ولادها وتصيح
وينك يا ابني !
وينك ياطفلي!
يا ضنا أمك .. يا بعد روحي
