ليل و شتي مرة كنت عاخط عام
سيارتي انقطعت لاضو ولا فرام
والا بقشع ضو عم يعطي علام
قلت بروح و بلطى لهونيك قوام
تاري المضوا بار ليلي و ياسلام
شو مقصر تنانير و شو عارض رخام
و لما فتت اجت صبية عمرها عشرين عام
وقالت عا أيا زند بتفضل تنام
ضليت ساكت ما عطيتا اهتمام
سبح بالمسبحة و تمتم كلام
قالتلي هون ليل و عشق و محبة و غرام
و هونيك خلف التل في دير و مقام
ان كنت بتحب الصلا بتقدر تروح
تترهبن و تقرأ الأ بانا و السلام