لو حاولت مرة تكون
حد تاني أو تخون
ساعتها ممكن أوي تهون
كل ذكرى و كل معنى و كل نظرة ف العيون
هبعد و ههرب مش هقرب
و لو يومي هيبقى أصعب
و ليلي يطول برضه هجرب
أبقى ملكي أبقى نفسي يبقى ليا أي لون
لو سمعت فيوم أنيني
أو حسّيت شوقي و حنيني
و لو قابلت دمع عيني
فدرب عشق فغنوة حب أو ليل سكون
و لو فكرت فيوم تجيني
تشرب تاني من نبع سنيني
تهدي نفسك تقولي حضنيني
طيب جروحي طمنلي روحي و كن حنون
بس فِكرك دي حاجة سهلة ؟
لما أرفض كل دنيا و تبقى وحدك ليا قِبلة
لما أعشق كل كلمة كل بسمة و كل قُبلة
و برضُه تنسى و برضُه تقسى و برضه بتحاول تخون
خد حياتك خد عواطفك
لا يا روحي ما قدرش أوافقك
أبقى رهنك و رهن اشارتك
طول عمري و من مبادئي يا أكون أو لا أكون