يا بلادي نفسي أكتبلك قصيدة أقلِّك بحبك و حياتك يا بعيدة أسلم و أمسّي الخلافة الرشيدة و في ظل رايتك هتبقى سعيدة أحيّي و أهني حرم كل مسطول قصدي أقول حرم كل مسؤول يا رب يخليهولنا و عمره يطول و حتى لو جيبه مليان بخيرِك و ماله ده إبنك و شارب فنيلِك و لو إحنا متنا بقهر و جوع و جفت عيونا و سالت دموع مهي الغلطة منا وآدي القدر حكمة خالقنا إله البشر لو حد قال أو حتى أشار لحالة تحايل و فرض قرار بياخد أجازة في أي مكان هدية عيدية و آخر أمان ما حدش يفكر ما فيش شفافية أو فيه أي رشوة فأي قضية حصل مرة كوسة أو أي اختلاس؟ كلام يا جماعة مالوش بجد أساس ماحدش يقول بجامل بمثل أو معنى كلامي حقيقة بتقتل حقيقة شافتها كل الرجال في حضنك يا أرضي و حتى العيال