جوه القطر بنمشى و نجرى
نضحك ...... نحكى
نرجع ....... نشكى
لما يهدى و ينسى زمان
يجرى و احنا بنجرى معاه
و يجرى زمانا و يستناه
لما يقرب عند محطه
نفس المعنى و نفس اللقطة
تطلع ... تنزل نفس الشنطة
دمعه و ضحكه هناك تتعانق
ترح و فرح كمان يتسابق
شوف بيقرب
شوق بيفارق
يجرى و احنا بنجرى معاه
يجرى زمانا و يستناه
نفرح ... نزعل
قلبى بيسأل
طول الرحلة ما جاله جواب
و الأحباب ..... !!
راحت ..... غابت
و لا يوم عادت
و الأشواق تولد أشواق
لما يهدى
يجى فراق
يجى رفاق
يجرى و احنا بنجرى معاه
يجرى زمانا و يستناه