غيرتنى وملكتنى
وعلى مكان بعيد معرفوش ودتني
وهناك فجاءه سبتني
لقيت هناك ناس فيهم نفس ملامحي
حزانا على شىء مش عارفه
زى ما انا زعلان على اللى رمتني
قولت انا اسئل انا فين والى هيقدر يرجعني مين
قالوا انت فى مكان للمجروحين
الى نزلوا بحر الحب ولسه فى الوهم عايشين
قولتلهم انا عايز ارجع انا لسه فى عمري سنين
مستحيل اقضيها ودموعي ماليا العين
قالوا يبقا روح للنسيان وهو يرشدك لبر الامان
فضلت ايام وليالى ادور علية
وانادى وفى كل مكان افتش فيه
اهوه لقيتة الحمدلله .... بس هروح اكلمه اقوله ايه ؟
يا نسياااااااااااااااااان لو سمحت انا عايز ارجع مكان ما جيت
قالى تقدر تنسا انك فى يوم حبيت
قولتله انسا ازاى حبيب سكن الوجدان
دا انا كنت بدور علية وعلى ما لقيته كان عدا زمان
قالى هتفضل عايش معانا شويه كمان
مع كل حد حب بإخلاص وما خلاص
مش مآثر فيه النسيان