حا حاول ما جيش
عشان ما تزعليش
عشان دمعةعيونك
ع الخد ماتجريش
عشان بسمة شفايفك
تبقى ولا تنتهيش
وعشان ما تزعليش
حا حاول ما جيش
مادام لقانا دايما
دمع وبكا وأنين
بتنسى شوق لقانا
وتفكرى فى السنين
والحزن ع اللى فات
والدمع والآهات
وعشان ما تزعليش
حا حاول ماجيش
ليه دايما بلاقى شفايفك
بسمة ولا تضحكيش
ليه دايما بلاقى عيونك
فرحه ولا تفرحيش
ليه شايفه الآمل دا سراب
دا عيونك ما بتخبيش
وما دام لقانا حزين
والنار ما بتنطفيش
حا حاول ما جيش
عشان ما تزعليش
---------
تعليق:
للتواصل
الشاعر / كمال العطيوى شاعر عامية مصرية [email protected]