واحشتينى ........
أد البــــر و أد البـــــحر .. .. واحشتينى
زى الأرض تقول للنهر :
حتروينى ؟؟ .. .. .. واحشتينى
زى الحب يقول للشمس :
تدفينى ؟؟ .. .. .. واحشتينى
و من شوقى باغنى لك
واحشتينى .. .. .. واحشتينى
***
بنتـقـابـل و نتــــواعد
يزيد الشوق و نتباعد
و حتى الطيف بيوحشنى
و همس القلب ينـدهنــى
و من شوقى باغنى لك
واحشتينى .. .. .. واحشتينى
***
واحشتينى حُـــروفها كتير
و قلبي ف غربتك مغلوب
واحشتينى باقولها كتـيـــر
و اصبر نفسى بالمكتوب
و من شوقى باغنى لك
واحشتينى .. .. .. واحشتينى
***
واحشتينى و اقول لكن
خيالك ف الفؤاد ساكن
و مهما الغربه بيا تطول
اشوف قلبي يا روحى يقول :
و من شوقى يغنى لك
واحشتينى .. .. .. واحشتينى
***
واحشتينى
و ونســــنى كتير طيفك
و لا ينفع ف يوم غيرك
يهز القلب من بـــــــره
و لو مره ..
و من شوقى باغنى لك
واحشتينى .. .. .. واحشتينى
***