ياحمام مرفرف فى السما مالك حزين ساكت وهمك ملحمة دايرة ف نظرة عين ايه اللى ضيع بسمتك ايه توهها سنين ليه كل مااجى ابصلك القى عيون تنزف حنين والقى بحور الشوق بتجرى مالية عروق قلبك انين ياطير بياض لونه ف قلبه مرتين فضفض واقول احكليى يامسكين رد السؤال بجواب بسيط قالى عليه ف كلمتين انا شكوتى للى خلقنى الهى رب العالمين ظلم ابن ادم لاخوه دبحنى مرر ف حلقى طعم السنين ليه بينسى اصله كان مية بتراب والاسم طين ليه بيسرق ليه بينهب ليه بياكل مال غلابة طيبين ليه بيعمى ع الحقيقة ليه يصدق كدابين احكى واقول على بس ايه واشكى حالكم ده لمين دا الشكوى لغير الله مذلة وكمان هوان ومعاها شين