أم العيون السود
والرمش كحال
والقلب من عشقها
قال في الهوى موال
حبك قدر مكتوب
ولا كان خاطرلي ف بال
حيرني غير دنيتي
وخلى حالتي حال
خلى النهار في ثواني
والليالي سنين طوال
وبقت النجوم صاحبتي
والقمر لقلبي خال
أم العيون السود
والرمش كحال
أم أجمل عود
سبحانه من صور
ووردتين على الخد
يا بدر يا منور
وشعرك المفرود
وكلامك السكر
ورمشك الفتان
وشفايفك المرمر
لو اوصفك في سنين
أتمنى أقول أكتر
أنا اللي قلبي صبر
لكنه برده نال
أم العيون السود
والرمش كحال
أم أجمل قد
ولا فيه في حسنك حد
ولو يعدوا خصالك
ما يبطلوا في العد
وضحكتك موزونة
والجد عندك جد
والحسن لو يتفرق
في الاصل ليكي ارتد
أنا اللي عاشق رقتك
وأنا اللي قلبي مال
لأم العيون السود
والرمش كحال