المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
تنويعات
للشاعر مجدي طه

تنويعات

_(صبا)
ما بين قلبي وقلبك ليه
تلات عتبات ؟
وليه بتبات تفاصيلي
على نظرة وداع منك
على ننك بشوف عمري كأنه ما فات
برغم الشيب
احس القلب من سنك..

_(نبوءه)
برغم الساعة بت تك تك
وتتفرتك معاها سنين
أنا عايش
ومستني مع ال عايشين
سمعت انك في آخر عمري هتعدي
على عيني
وساعتها ..
هموت فيكي..

_(حصاد)
خليط من طين بلون بكره..
وتعويذة شجن..
مبدور..
ماطارح في الغيطان
غيرك
يا زرعة أرض مش بتبور
حصادك كان في صيف العمر
في المغرب
وانا ف وقت الخريف
بردان
يبان ف عنيه لون عودك
وفي وجودك بحس أمان
ولما اشتد بيا الخوف
طلع غصنك
في عود مكسور

(رقمية)
زيرو 12
جنب النمرة
سبع أرقام
رنة
رنه
آخر رنة ف آخر فرصة من ال أيام
ردت
لكن أول صوتها ما عدى لقلبي
خلص الشحن

_( تفاؤل)
لما تحس الروح بتروح
اضحك اكتر
عض البسمه بطرف سنانك
ماتسيبهاش
فكر يمكن
لما تسيبها ف يوم هتكشر
ترجع تسأل عنها ويمكن
ماتلاقيهاش

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد