بلدى ياأم الحضارة والناس الطيبين
والله دة مش خسارة نتعب سنين وسنين
والله كتر خيرك..عايشين بجد فى خيرك ..الدنيا ايه من غيرك..يا ام العيون حلوين
انا هعمل اى حاجة..علشانك هبقى حاجة..ومخلكيش محتاجة..جنبك فى غمضة عين
مش هبقى عالة عليكى..هعلى وكمان اعليكى..ياحبيبتى لاجل عنيكى..ملايين كتير عايشين
بلدى ياأم الحضارة والناس الطيبين
اللى يقولك عيالك..ماشيين وسايبنهالك..ناويين يشقلبوا حالك..دول يبقوا طمعانين
مش ناسية ابدا ابنك..لوحتى فين يندهلك..ماهو اصلا غالى عندك..هو انتى زيك مين
دة مفيش فى الدنيا زيك..ومفيش فى طيبة اهلك..فاتحة لنا يامصر قلبك..واولادك مخلصين
بلدى ياأم الحضارة والناس الطيبين
هتلاقى فين انسان..حارب بنفسه كمان..عشان نعيش فى امان..وننام متطمنين
ابنك رغم الظروف..سجل اسمه بحروف..من نور فى عز الخوف..فى سينا والعلمين
حبك دة وعد علينا..هنشيله جوة عنينا..ودى اجمل حاجة فينا..ان احنا مصريين
بلدى ياأم الحضارة والناس الطيبين
والله دة مش خسارة نتعب سنين وسنين