سامحينى مقدرش اوصفك طلعت خايب
ذميت كتير فيكى اوى يا اغلى الحبايب
كان كل وصفى فيكى هم وريحتة غم
إزاى نسيت انك حبيبتى وبردة ام
إزاى زمان شفتك كدا شفتك قبيحة
مستخسرة فينا الحنان رافضة النصيحة
كل الأكابر حبلوك بالزنا
واحنا هنا بندارى وياكى الفضيحة
بس النهاردة بعترفلك طلعت خايب
حاطط فى ودنى الف سد وكنت غايب
وعشان اعديلك انا خايف وهايب
سامحينى يا اغلى الحبايب
النهاردة حبى ليكى حب رافض للخضوع
رافض يعيش باقى اللى فاضل فى الضلوع
حالف يرجع مجد تاية فى الربوع
حالف ليوصف فيكى الحسن بالوانة
والفجر لايح بقرءانة وادانة
فلاح بيسقى فى ضى الشمس فى غيطانة
ساحب بقرتة على حمارتة وعنوانة
انا المصرى ومين قدة
فى حبة ومجدة وكيانة
نفسى يامصر لو جعنا النهاردة متزعليش
لاجل الرخاء لازم سنين عجاف نعيش
بس العجاف بأيدينا شهد
بأيدينا مش ايد اى حد
لاجل ما يكون لينا حد
يقطع ايدين الظلم والخاين
اللى هنا علية وطينك كان علية هاين
ومن النهاردة خلاص رمز الفساد سايب
هو اللى هايب وشعب مش هو اللى هايب
واعذرينى لو فى يوم موصفتكيش
ما انا قلتلك فى الوصف انا خايب