الحب مو انك تعذبني ****** لا تقول الحُب هو من تعذبني انت صنعت مني الم وجراح وبيه عيشتني اسمعني ارجوك لا تزيَّد احزاني مو ذنبي اللي راح ذنبك يا اناني قَلِب اوراق الاحزان واحاسبك وحاسبني ونقرأ ونشوف الألم والحرمان من مَن للثاني يا الضويت ظلامك بشموعي وسقيتك من دموعي وبروحي خليتك رخصت كلام الناس عني قالو بلا احساس والوحدك ما خليتك بس ما فاد وياك تضحيتي ما عاش جواك وفائي ومن كل شي انطيتك الزمن لعب دور وياك ويمي ما عرفت قيمة الحب الحبيتك جويت ايام العشره بغدرك روح الله لا يسامحك يا اناني على فعلتك لا تسأل دموعي الخجلانه من كلامك منك لمت الاحزان بعيوني لا رايده تنزل ولا تنشف من كثر الامك ومني تصيح الاهات جنوني ما عَرفتك يوم عن عذابي لا يهمك وما سألتني يوم وياك انا شلوني حرام على عمري وياك ضاع حرام بيدك سلمت امري وبيك خابت ظنوني . . ستيفن نينوايا....... 1152003
