انا الملك .... انا الملك شغلت شعبى بزمبلك اصحا .... انام من غير ميعاد اغيب سنين ارجع يانيل القى العباد ... هم العباد غنوا عشانى فى محنتى عايشين معايا فى غربتى يافرحتى ..... يافرحتى انا الملك .... انا الملك شغلت شعبى بزمبلك *** ** * حاعمل مدارس للرضيع واطبخ بايدى للجميع واعمل صغير للكبير وافرش موكيت بلاش حصير عشان اريح الفقير محلا الحمام ويا الفريك محلا الملك من غير شريك انا الملك .... انا الملك شغلت شعبى بزمبلك *** ** * الحاوى يلعب لعبته والشاب ينسى همته والكل بايع ذمته والشعب قايل كلمته انا الملك .... انا الملك شغلت شعبى بزمبلك *** ** * الارض ارضـــى مــن سنيـن والــكــل عـارف عن يقيــــن انـــا الـمـلك .. وانـــا الـوزيـــر وانـــا الكبــــير.. ابـــن الكبـــير والــكــل عندى يكون اجيــر وبكلمة منى .. تموت يا نيـل والحظ عندى .. لـن يميــــل والــكـل عــارف ميـــن انـــــا انـا الـملـك .... انــا الـملـك شغـلت شعــــــبى بــزمبــلك ****** أنــا المــــلك .. طول الحيـــــاة وبـكره حابــقى .. كـمان اللاه والشعــب بيـــا طــال منـــــاه ان كنــت داءه .. او دواه انــا اللـــى اقـــدر ابــيع هــواه واعرف حبيبه .. ومين عداه والــكــل عــارف ميـــن انــــا انـا الـملـك .... انــا الـملـك شغـــلت شعـــــبى بــزمبــلك ******