يا اللي قتلتم باسم الدين
أغلى أخواتنا المسيحيين    
كبار   أطفال
مُسنين وحريم
وصغار لسه بتتعلم
ايه يعني معنى التسليم
وطفل بريء لسه بيتكلم
محتاج لقلب أمين وحنين

ربنا أبداً ما كان في صفاته
قتل لقاسي أو مسكين
ربنا وصانا في كتابه
أدخلوا مصر
يا ناس آمنيين

مين قالك اقتل واتهنا
مين قالك اقتل
تدخل جنة
مين قالك اقتل مسلم
أو حنا
ربنا في كتابه أوحالنا
إننا كلنا بني آدمين

مين قالك اقتل وتفاخر
مين قالك اخرج واتظاهر
مين قالك فجر نفسك
جوه الدير أو جوه المسجد
أو جوه كنيسة
بيذكر فيها الدين

لو كنت صحيح دخلت الجنة
تعالى قوام واحكيلنا
هو صحيح قابلوك
حور عين
وإنك متجوز سبعين

دا اللي بيقتل
روح واحدة
في سورة المائدة
كأنه قتل
كل العايشين
يا اللي قتلتم باسم الدين
أحلى أخواتنا المسيحيين