أقنعة ... أقنعة ... أقنعة
أقنعــــــــــــــــــــــــــــــــــه بالألوان تفيض ...
و مــــــن كترها تملا الكون و تزيد
أقنعة بكل المقاسات ... أقنعة لكل المناسبات
بس قولى هــــــــــــــــــــــــــــــات ...
و علشانك عنــــــــــــــــد حاجات و حاجات
عندى قناع يليقلك ... تلبسه على قد بقك
تتكلم كلام جميل ... ينساب من فمك كالحرير
عندى قناع للعيون ... تلبسه ساعة اللزوم
تظهر رومانسى حنون ... و فى الحب شايل شجون
عندى قناع للكل ... يخلى الحظ فل
ده قناع تلبسه على وجهك ... يدوب فيه أصلك
تاكل يا دوب فتفوته ... و تتكلم موسيقى على النوته
عندى قناع لليد ... ساعة الجد يطول أى حد
عندى قناع للرِجل ... يشوط من هب و دب
يشيل اللى فى سكتك ... ما يخلى حد
أقنعــــــــــــة ... أقنعـــــــــة ... أقنعــــــــــة
أقنعة و سوقها ماشى
من غيرها الدنيا ما تحلاشى
من غيرها حاجه ما تجرشى
أقنعة بكل المقاسات ... أقنعة لكل الماسبات
لو تجربها ... ها تقولى ... هات و هات
تلبسها تخلى الحياه تسير ...
و من غيرها تفضل إنسان حقير
جرب تحط قناع ... ها تعوض كل اللى ضاع