يا زمن آه يا زمن
ياللى ماشى ماليك رجلين
ترسم خطوطك على وشى بدون ايدين
شفتك تاكل نور النهار
خطوتك تشوط الشمس لإنحدار
صوتك صواريخ هوا
تضرب جتتى تقلب خطوتى
و قلبك حديد ما بيتلوى
يا زمن آه يا زمن
لا مخلى الماشى ماشى
و لا الراكب راكب
لابس طقية الخفى
تعطل السير و تقلب مراكب
تفتح حنفيه تجرى البليه مع التعبان
تنشف ميه فى لإيد عرقان
فى رجلك مناجل .. .. بتدهس .. .. بتاكل
بترسم ضريح .. .. و تحمى التاريخ
تبنى حضاره .. .. و فجأة تطيح
خطوطك كثيره
كثيره .. .. اليمه و ما بتتمحيش
و رجلك طويله
طويله .. .. طويله و ما بتنبريش