عزيمـــــــــــــــة فولاذ
 
ناس قلبها من الهم خلا
و انا آقربع منه لمان إتملا
يا زمن ... اغدر .. كشر ... كون هزاز
القلب حديد و عزمتى فولاذ
فى بحور الحياه إسبح يا قلبي
قب و اغطس ما تعولش همى
لو موج الشقا دخل فمى ملاه
هاصرخ و اقول ما أحلى الحياه
ضهرى شال فى جبال أحمال و لا قوسشى
و صوتى خبى ياما كلام و لا صرخشى
و مهمى تقسى كمان يا زمان أنا ما بخفشى
ومهمن تحاول ... تعافر ... تكابر
و مهمن تصعب عليا الأمور
اكونلك معاند ... لقلبى مساند ... و عمرى ما اخور
أحل المسائل ... أفك الرموز
و أتحدى خشمك ... و هذا يجوز