الرمز إنكسر ... و قلبى إنقهر ... قلبى إنشطر
الأب المثل ... نايم فى العســـــــــــــــــــــــــل
راح و هوى ... و ابنه انكوى
و غيره فى الممنوع يتاجر ... و يتقن فى الأذيه
و الست رخره ... عملالى فيها المرأه الحديديه
تلعب فى وجود ... و تشيل حديد ...
حاجه تخلى الوليد يشيب
و المعلم بقى متبلم ... ما يرحم نفوس
و ياريته علم ... ياريته فَهِِم ...
ده كل همه ... ياخد فلوس
الرمز إنكسر ... و الطب إنحسر فى الاستثمار
توجعك ودنك ... تروح برجلك ...
تهرب و تصرخ ... تقول دى نار
توجعنى ودنى ما يهمنيش ...
مدام الوِلد يا كل و يعيش
رمز العداله ... رمز النزاهه ...
مفروض يدافع عالمظلومين
يبيع ضميره ... ينصف حماده ...
مدام بيدفع فلوس كثير
ورق القضايا ... نبيع فيه ترمس و اله سودانى
و نلفه حتى ... مادام يا خالى ...
ورق العنب بقى سعره غالى
و الإبن ده ... و اله البنيّه ... كانوا لى هديّه
كانوا لى عطيّه ... يبوسوا فيّا ... و يحضنونى
عكازتى هيه ... عكازى هو ... لاء ما يسبونى
لكن خانونى ...
قالولى طوفى ... ده طوفان يا يومه ...
و خابت ظنونى
حقيقه دى و اله خيال
الاخ ليّا كان مثال ...
حنان ... و عزِوّه ... و لهمّى مشال
دى بومه جَت ... و جابتلى الفال
بحقد جامد ملوش مثال ...
طارت و قالت ... ما بلاش خيال
الرمز إنكسر ...
