البيـــــــــــــــــــــــات الشتوى
 
عاوز بين كل حيطه و حيطه بيت ؟
و بين كل شجرة و ضلها غيط ؟
رقد قيمك فى الرده ....
و طلع نابك كده بره
فترة بيات الشتا دى طويله
فضميرك إقبله بريمه
و هِم معايا ... دى حقه وليمه
 
ياله يا جن لمِ الدولار و افهم فى الين
لا نفضل صغار و لا حد يحن
طول ضوافر لزوم الشئ
خربش و عافر هاتبقى بيه
باصَيلى ... أبــــــــــاصّيلك
أهى مره عندى و مره تجيلك
اللعب يحمى ... قوى ... يحلو
تاكل فى لحمه تقول هأ  أوو
لحم الانسان اطرى حيوان
صبع و اشوى و كل فى رغيف
أو إعجن افرم بقى بلوبيف
و اسلخ جلده اعملك خيمه
فــــ عــــــــز الشمس تلاقى ضليله
دى سهله قوى يا ولاد يا حليله
بس ... رقد قيمك فى الرده
و طلع نابــــــــك كده بـــــــــره