هـــــــــــوت هويتى
 
( هَوت هويتى ... و تهات كينونتى )
أنا طير مهاجر ... كان بيكى كافر
و لما هاجر بَعتر جذوره ... و خابت ظنونه
مبقتش منكم ...  بعدت عنكم
مبقتش منهم ... جذورى فِنهم
أزرع جذور فى أرض بور ... تدوب جذورى وتوه أصول
مبقتش منهم ... مبقتش منكم
تفضل يا طير ... تطير فى ليل
تفضل مهاجر ... بدون حناجر
تعود تصيح ... أنا طير جريح
عاوز أطير ... طب ريشى فين
قصقصت ريشى أنا بالايد ... عيالى فين قولى يا سيد
و لما اشيب ... ملقاش حبيب
اقول مهاجر و لسه فاكر ... فاكر جدودى فاكر حدودى
أرجع أعود مليان سدود ... القى حبيب لكن غريب
أشوف جدار فى المخ دار ... فصل ما بِنا اهو ده اللى صار
الطين و الأرض موجوده ... من جذرى لحقت فتفوت
و توته توته ... ما خلاص الحَدوته
لكن هناك أنا لسه سايب ... طيور كثير و كمان حبايب