مستحيىىىىىىىىىىىىىىىىىىل
 
جاي تاني تقول حبيبي
هو أنا نسيت اللي كان
جاي تاني تقول با أحبك
ده إنت نسيتني الأمان
عمري كله كان في إيدك
برده هجرك يا قاسي
من حنان قلبي بأزيدك
و أنت صدك يملا كاسي
روحي ضاعت بين إيديك
قلبي داب الله يجازيك
مش حا أصدق مهما كان
مره واحده بعمري تكفي
أنخدع من وهم حبك
قلبي دام بعهوده يوفي
و أنت مش سائل يا قلبك
قلت أضحي فداك يا قدري
كنت أحلامي و هنايا
أبكي و اشرب مر صبري
و أنت تسعد كان كفايه
روحي ضاعت بين إيديك
قلبي داب الله يجازيك
جاي تاني تقول حبيبي
مش حا أصدق مهما كان
بعد عمر الهجر راجع
رحت فين و خدعت غيري
نفسي أحكي و هو سامع
لأجل يعرف إيه مصيري
قلبي ودع من زمان قلبك وغدرك
راح بعيد شط الأمان بيداوي جرحك
لو حاتصدق في كلامك هات لي أيامي اللي راحت
لو حاتخلص في غرامك رد لي روحي اللي تاهت
مستحيل أبداً ما يرجع مستحيل
روحي ضاعت بين إيديك
قلبي داب الله يجازيك
جاي تاني تقول حبيبي
مش حا أصدق مهما كان