القصايد الشاعره القطريه العنود سعود القصايد صوتها حزن وأسي بدمعي اكتبها وإحساسك قسي كنت تقراني قبل وقت الرحيل وصرت تمحيني وانا قلبي يسيل كل حرف وكل كلمه مثلي مشتاقه لضمه من يضم احساس قلبي لاغدي قلبك سبيل ومن يلم الشوق فيني منهو باكر يحتريني ولاحضر قلبي وقف له يحضن احساس الدخيل صرت احس الغربه ديره في وسط قلبي كبيره كيف اسافر للمشاعر والقي حبٰ لك بديل وأنا تكتبني عيونك تجرح احساسي بدونك والعقارب بالدقايق دمها بقلبي ثقيل وين اروح ابهالقهر مابقي غير الشعر ينصف احساسي وقلبي من جفا خلٰ بخيل كل قصيده بالدفاتر تشتكي ظلم المشاعر والجفا حظي ونصيبي درب أمشي به طويل جنه الشعر الحزينه مابها للحب مينا كل زهره كل ورده اذبلت يوم الرحيل اللي باقي بس حريقه لا ۔ رماد وما أطيقه انثره تكفي دخيلك دام انا بشعري قتيل القمر ماعاد نوره واللي باقي منه صوره طيف يسكن في عيوني خلي قلبي بي عليل ورغم حزني في مكاني اشتكي لك بالمعاني قلبي صابر ماتأثر واقفٰ مثل النخيل أسعد الله ذكرياتك الغلا وقتٰ وفاتك لاتناديني وكمل رحله الصمت الطويل اسكت اسكت القصايد كلها ماتت اسكت اسكت حبرها دموعي وهانت نم وريح جفن عينك حتي جنبك لايميل وان دعاك الشوق ليله قيُöد اسروجه وخيله اخنقه أكثر وأكثر خله ابحضنك ذليل
