تموت الكلمه ليه م الخوف
و لاتخرج فَ يوم مَ الجوف
و يبقى لسانى سجانى
و أسافر و حدى من تانى
أدور على اللى خلانى
سجين حلمي و أحزاني
سافرت بلاد ما فيها عباد
لمين أحكى و مين اشكى
و مين يقدر يواسينى
و ليه المعنى يتغير
و ليه الكلمه تتحير
و شكل حروفها يتغير
و تتغرب يا قلبي سنين
و تتغرب و أنت جنين
و تتغير معانى كتير
و حتى الضحكه تتغير و تبقى دموع
و صرخة قلبي تتكسر عشانها ضلوع
و حتى الضلمه بتنور عشانها شموع
و تتغير معانى كتير