ليه ما تمشى تقول يا دنيا أنا بتحنجل
مادمت ماشى برجل واحده ثانيه فيها منجل
فى الرقاب عمال تحش و فى الفلوس عمال تقش
ليه الدنيا لسه ليل ... و الشمس طالعه
ليه الأرض فيه سوس ... و النخله فارعه
و انت ماشى ليه تدوس ... و تاكلها والعه
و العيون بقت جحوظ و لاكش دمعه
ليه تمطر فى الربيع ... و الشباب ليه يضيع فى
الصقيــــــــــــــــــــــــــــــــــــــــــــــع
ليه زهور عماله تتبدل ... و الغيلان فى لحظه
تكـــــــــــــــــــــــــــــــــــــــــــــــبر
ليه كبار فى الصغار عماله تِلوى
و الكلاب مبقتش تنبح بس تِعوى
الطيور ليه تمأمأ و الخرفان يا ناس تزقزق
مكتفوش يسرقونا و يبيعونا
لعبوا فينا ... لخبطونا ... دمرونا
ليه يا شمس ماشيه بدرى
ليه تغيبى ما لسه بدرى
ده القمر معدش فضى
و النجوم فى الظهر تطلع
ليه الكون بقى حاله يوجع
الحروب من غير طبول فى كل حته
و الكبار عاملين وليمه بياكلوا فته
ليه الدمار أصبح شعار
و الهوا مليان غبار
و الطفولة بقت عجوزه فى الصغار
ليه الأشعار معدتش تشجى
و الأغانى و الأمانى مش بِتغنى
الحصاد من الشرور ملوش فصول
البعير و الحمير ماليه السهول
ليه يا دنيا ... ليه ... و ليه
ليه يا دنيا عذابنا غاويه
ليه ما تحِلى لو انت ِ ناويه
ليه ... و ليه مسألش ليه ... ما دمت حَيه
ليه و ليه تفيد بـــــإيه دى واكسه نايبه