لاء يامه ... مش مستحيل
 
ليه يامه الناس ما تدفى بعضيها
ليه كل واح عاوز عاليها وطيها
ده الدنيا عايزه كفوف تشيل تسند فى بعضيه
و ده ياما فى الدنيا ... أحلى ما فيها
 
بردانه يامه فى عز حر الصيف
ضمينى يامه و بكفك لفينى ... كونيلى لفيف
الشتا بارد و قساوته جاى فى صيف
قلوب الناس إتجمددت ... و الهمس أصبح مخيف
ضمينى يامه ... بكفوف ايديكى لفينى
... كونيلى لفيف
آه يامه ...
آه يامه ... لو كنت آفتح و أغمض ...
الآقى الجرح متضمد
الاقينى فى عز البرد دفيان
و الناس وشوشها سِمحه ذى زمان
و قلوبها تطرح صبر و عطا و لا البستان
 
لاء يامه ... مش صعب
مش مستحيل
قلب الانسان مش شق الليل
لاء يامه ... ده كان بيدفى و دفيان
إزاى ينسى الإنسان ... إنه ...
إنه إنسان !