المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
التفريقــــــــــــــــة
من ديوان قصائد صلاح جاهين للشاعر صلاح جاهين

التفريقــــــــــــــــة
 
أَنا بغبغان من ( افريقه ) .
حافظ نصوص كهنَه عتيقة .
بحرين و سِت جبال عديت ،
قزحت نص الدنيا ، و جيت ...
اللى لقيته ف أَمريقه
نفس الكلام ..
نفس الكلام ..
نفس الكلام ..
نفس الكلام ..
 
(1)
 
(كلام الرجل الأبيض)
أبيض ، وفنطازيه
و مراتى المظيّه
و ربنا اصطفانا ،
عشان حمرة قفانا ،
و شيّلنا الأَمانة ،
اللى تقل الرزيّة .
 
(2)
 
(كلام الرجل الأسود )
أسود ، و دمى حامى ،
حامى الحمى يا حامى ،
ما فيناش لونكم و لوننا ،
الكون ده كله كوننا ،
ماما مدَّياهو لنا ...
و مشهَّده المحامى .
 
(3)
 
(كلام الرجل المحامى )
محامى كبير قانونجى ،
و فى الكلام بِرِنجى
شايب و شكلى رائع ،
فاهم كل الشرائع ..
لا بيض و ده رأى شائع
أبيض ، و الزنجى زنجى
 
(4)
 
(كلام الولد الأبيض )
و الله (الجلاس) ما اوقه ،
يا الزنجى ينول حقوقه !
تلميذ ، و باستهجّى ،
لكن فى الرأى ... حجه ،
العالم بَّده رجّه ،
عشان تمسح فروقه !
 
(5)
 
(كلام الرجل الأفريقى )
يا ليل .. و البدر .. بمبى ..
يا ليل .. مقدرش انام بو ..
يا ليل .. أنا سجنى بامبو ،
و ان ماكسَّرتوش .. ده ذنبى !
 
عزيزى درش ..
زعلان قوى من ( أمريقه) ؟
علشان حكاية التفريقة ؟
عاوز صراحة و حقيقه ؟
الحل يا بنى ف ( افريقيه ) !
الأصل لما يزول ،
الظل برضه يزول !
سلم على خالتى شفيقة !

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد