أكتوبـــــــــــــــــــــــر
 
من غير مانتفاخر و نتباهى
لا بالرايات اللى رفعناها
و لا بالحصون اللى انتزعناها
و لا بالدموع اللى مزعناها
على الضنى الغالى و حجبناها
و حياة عيون مصر اللى نهواها
و اكتوبر اللى كما النشور جاها
بلاش نعيد فى ذنوب عملناها
أنا اتعس اللى بدعها وجناها
و مازلت تحت عقابها و جزاها
و حياة ليالى سود صبرناها
و اتبددت بالشمس و ضحاها
نكبح جماح الزهور ، مع أنه
و لو ( العبور ) سالونا يوم عنه
تقول : مجرد خطوة خدناها !