ست الحبايب
غناء فايزة أحمد وتلحين موسيقار الأجيال محمد عبد الوهاب

*

**

ست الحبايب يا حبيبة
يا أغلى من روحي و دمي
يا حنينة و كلك طيبة
يارب يخليكي يا أمي


زمــــــان
زمان سهرتي و تعبتي

و شيلتي من عمري ليالي
ولسة برضه دلوقتي بتحملي الهم بدالي
أنام و تسهري و تباتي تفكري
و تصحي من الآذان و تيجي تشقري
يارب يخليكي يا أمي
يا ست الحبايب يا حبيبة

تعيشي ليا يا حبيبتي

ياأمي و يدوملي رضاكي
دانا روحي من روحك إنتي

و عايشة من سر دعاكي
بتحسي بفرحتي قبل الهنا بسنة
و تحسي بشكوتي من قبل ماحس أنا
يارب يخليكي يا أمي
يا ست الحبايب يا حبيبة

لو عيشت طول عمري

أوفي جمايلك الغالية عليا
أجيب منين عمر يكفي

و ألاقي فين أغلى هدية
نور عيني و مهجتي و حياتي و دنيتي
لو ترضي تقبليهم دول هما هديتي
يارب يخليكي يا أمي
يا ست الحبايب يا حبيبة
ست الحبايب يا حبيبة
يا أغلى من روحي و دمي
يا حنينة و كلك طيبة
يارب يخليكي يا أمي

**