يا قلبى يا خالى


للشاعر / حسين السيد
 
يا قلبى يا خالى جاوب عن سؤالى      مشغول من ايه وشاغلنى ليه
الدنيا فى عينى كانت حلوه          ايه اللى كتر حلاوتها
وايه اللى خلا ها غنوه   وايه اللى خلاك غنتها
تفوت على تقول مش نور وتعشق نور سواد العين
يا قلبى يا خالى
يكونش يا قلبى اللى بيجرى     على غيرك هو اللى جرالك
الحب يكون فات لك نظرة     وميعادها ما كانش على بالك
حتفكر ليه شاورلى عليه    اشوفه معاك واروح وياك
وليه تحتار فى وسط النار     وليه تحرمنى اقاسى معاك
يا قلبى يا خالى