المركبة عدت
المركبة عدت واهي ماشية   والكل شايفها بتتعاجب
والضحكة أهي  زادت وبتغني  كان لأمل مغلوب صبح قالت
رجعنا اللي راح يا بلدنا  وفردنا الشوارع يا بلدنا
وبعزم الرجال يا بلدنا حطينا المحال يا بلدنا
يا ريس المركب يا ريسنا خطوتنا بيك بتكمل يا ريسنا
عدينا بيك البحر حطينا بيك الصخر
وبقينا بيك قوة  هزت كيان الدهر
وانت زعيم الشعب حارسنا  ..... يا ريسنا
قالها الزعيم من غير ما يحلف عمر الزعيم ما يقول ويخلف
لابد هتعود القناة وتعود لها تاني الحياة
آدي الأمل فوق الشراع   غنى للي جاب كل اللي ضاع
جاتله الشعوب من كل وادي  جت بالهنا تشارك بلادي
بعتوا التحية للجنود  على الجبهة على كل الحدود
بلادي        بلادي                          بلادي               بلادي
بعتو التحية للجنود  على  الجبهة على كل الحدود
والموج راح جنب السفينة لما القنال عادت اليها
يا ريس المركب يا ريسنا  خطوتنا بيك بتكمل يا ريسنا
عدينا بيك البحر  حطينا بيك الصخر
وبقينا بيك قو ة هزت كيان الدهر
وانت زعيم الشعب حارسنا ..... يا ريسنا