سيره الحب
 غناء كوكب الشرق ام كلثوم
الحان الموسيقار بليغ حمدي
   
طول عمري باخاف من الحب      وسيره الحب      وظلم الحب لكل أصحابه
وأعرف حكايات مليانه أهات     ودموع وأنين     والعاشقين دابوا ما تابوا
طول عمري بأقول لا أنا قد الشوق     وليالي الشوق     ولا قلبي قد عذابه  
وقابلتك انت لقيتك     بتغير كل حياتي
ما أعرفش إزاي حبيتك     ما أعرفش إزاي ياحياتي
من همسه حب لقيتني باحب     وأدوب في الحب     وصبح وليل علي بابه
****
فات من عمري سنين وسنين     شفت كتير و قليل عاشقين
اللي بيشكي حاله لحاله      واللي بيبكي علي مواله
أهل الحب صحيح مساكين
ياما الحب نده علي قلبي      ما ردش قلبي جواب
ياما الشوق حاول يحايلني     واقول له روح يا عذاب
ياما عيون شاغلوني      لكن ولا شغلوني
إلا عيونك انت     دول بس اللي خدوني    وبحبك أمروني
أمروني احب لقيتني باحب    وأدوب في الحب     وصبح وليل علي بابه
****
ياللي ظلمتوا الحب      وقلتوا وعدتوا عليه      قلتوا عليه مش عارف إيه
العيب فيكم      يا في حبايبكم      أما الحب ياروحي عليه
في الدنيا ما فيش أبدا أبدا     أحلي من الحب
نتعب نغلب نشتكي منه     لكن بنحب
ياسلام ع القلب وتنهيده     في وصال وفراق
وشموع الشوق لما يقيدوا     ليل المشتاق
يا سلام ع الدنيا وحلاوتها     في عين العشاق
أنا خدني الحب لقيتني باحب     وأدوب في الحب     وصبح وليل علي بابه
****
يا اللي مليت بالحب حياتي     أهدي حياتي إليك
روحي..قلبي..عقلي..حبي     كلُي ملك ايديك
صوتك..نظراتك..همساتك     شيء مش معقول
شيء خللي الدنيا زهور علي طول      وشموع علي طول
الله ياحبيبي علي حبك وهنايا معاك     الله يا حبيبي يا حبيبي الله الله
ولا دمعه عين جرحت قلبي     ولا قوله أه
ما بقولش في حبك غير الله      الله يا حبيبي علي حبك الله الله
من كتر الحب لقيتني باحب     وأدوب في الحب     وصبح وليل علي بابه
****