النوم يداعب
للشاعر / احمد رامى
النوم يداعب جفون حبيبي
والسهر شاغل جفوني
يا ريته يغفل يكون نصيبي
تفضل تشاهده عيوني
أهيم في حسنه واشرب بهاه
وابعت طيفي يسبح معاه
يشكي له حالي اللي جرى لي طول الليالي
ياما هويت النوم ارحم فؤادي من كتر نواحي
ما كنش يهوى عيني النوم
من كتر ما منيت رؤياه لو كان يزورني في الاحلام
وقلت يمكن يوم القاه معاي في وادي الأوهام
الفكر تاه في الغرام بين السهر والمنام
نام يا حبيب الروح الليل بطوله سهران عليك
خلي الضنى والنوح للي فؤاده وسلم اليك
وان جه نسيم السحر ونبه اللي
عن طل سهادي غافل نعسان
يشوف في عيني السهر ، ويرحم
اللي يطول الليالي يحلم سهران
