حب ايه
عبد الوهاب محمد
حب ايه اللي انت جاي تقول عليه
انت عارف قبلا معني الحب ايه
لما تتكلم عليه
انت ما بينك وبين الحب دنيا
دنيا  ما تطولها ولا حتي في خيالك
اما نفس الحب عندي حاجه تانيه
حاجه ماتطولها ولا حتي في خيالك
انت فين والحب فين ظامله ليه دايما معاك
ده انت لو حبيتك يومين كان هواك خلاك ملاك
ليه بتتجني كده ع الحب ليه
انت عارف قبلا معني الحب ايه
لما تتكلم عليه
كنت بأخلص لك في حبي بكل قلبي
وانت بتخون الوداد من كل قلبك
بعت ودي ...بعت حبي ..بعت قلبي
ياما الحب نده علي قلبي ماردش قلبي جواب
ياما الشوق حاول يحايلني
واقول له روح ياعذاب
ياما عيون شاغلوني لكن ولا شغلوني
الا عيونك انت دول بس اللي خدوني
وبحبك امروني
امروني احب لقيتني باحب
وادوب في الحب وصبح وليل علي بابه
ياللي ظلمتوا الحب وقلتوا وعدتوا عليه مش عارف ايه
في الدنيا مافيش ابدا ابدا احلي من الحب
تتعب نغلب نشتكي منه لكن بنحب
ياسلام ع الحب وتنهيده في وصال وفراق
وشموع الشوق لما يقيدوا ليل المشتاق
ياسلام ع الدنيا وحلاوتها في عين العشاق
وانا خدني الحب لقيتني باحب
وادوب في الحب وصبح وليل علي بابه
ياللي مليت بالحب حياتي
روحي قلبي عقلي حبي  كلي ملك ايديك
صوتك نظراتك همساتك شيء مش معقول
شيء خلي الدنيا زهور علي طول وشموع علي طول
الله ياحبيبي علي حبك وهنايا معاه
ولا دمعه عين جرحت قلبي ولاقوله اه
وانا خدني الحب لقيتني باحب
وادوب في الحب وصبح وليل علي بابه